01.05.2023 – „ალტე“ უნივერსიტეტისა და  „მწვანე ბიზნესის ასოციაცია“ მხარდაჭერით, რუსუდან კვარაცხელიას თანაავტორობით,  დაიბეჭდა სახელმძღვანელო უმაღლესი განათლებისთვის „ტურიზმის პოლიტიკა“.

სახელმძღვანელოში განხილულია მდგრადი, სათემო და პასუხისმგებლიანი ტურიზმის მდგენელები, სპეციფიკაციები, არსი და მნიშვნელობა. რუსუდან კვარაცხელიას მიერ არის შემუშავებული სახლმძღვანელოს ერთ-ერთი თავი, სახელწოდებით „ტურიზმი და განათლება“, სადაც მას განხილული აქვს შემდეგი საკითხები: პროფესიები ტურიზმში; საგანმანათლებლო დაწესებულებები ტურიზმის მიმართულებით; განათლების საფეხურებისა და პროფესიების შესაბამისობა; კერძო სექტორი (დამსაქმებლები და განათლება). აქვე, ერთ-ერთ თავში „კულტურული მემკვიდრეობა და დაცული ტერიტორიები“ განხილულია დაცული ტერიტორიების მართვის თავისებურებები, პოტენციური სარგებელი და ამავე დროს პოტენციური რისკები ტურიზმიდან დაცულ ტერიტორიებზე (ძირითადად ყურადღება გამახვილებულია გარემოსდაცვით საკითხებზე).

17.11.2023 – „მწვანე ბიზნესის ასოციაციის“ მხარდაჭერით, საქართველოს დავით აღმაშენებლის სახელობის უნივერსიტეტში ჩატარდა მრგვალი მაგიდა სახელწოდებით: „მწვანე გზა“ (ორგანიზატორი – რუსუდან კვარაცხელია). დამფინანსებელი: შპს „საქართველოს დავით აღმაშენებლის სახელობის უნივერსიტეტი“.

მრგავლი მაგიდის მონაწილეთა შორის იყვნენ „მწვანე ბიზნესის ასოციაციის“ წარმომადგენლები, მათ შორის: შპს „ბიოაგრო – მცენარეთა ბიოლოგიური დაცვის ცენტრი“ (მისი დამფუძნებლები გახლავთ მეცნიერები: ბიოლოგიის მეცნიერებათა დოქტორი, ექიმი, ენტომოლოგი, რომლების მუდმივად ეწევიან სამეცნიერო-კვლევით მუშაობას ბიო სასუქების, მცენარეთა დაცვის ბიოლოგიური საშუალებების შემუშავების კუთხით), შპს „ბიოდიზელი“, რომლის მისიაა ბიო-დიზელის შექმნა და გარემოს დაცვითი საქმიანობების პოპულარიზაცია საქართველოში (კომპანიის საქმიანობა ასევე სამეცნიერო კვლევებს ეყრდნობა, კერძოდ ერთ-ერთი დამფუძნებელი მუდმივად ნერგავს მწვანე სამეცნიერო სიახლეებს წარმოებაში); შპს „ჟოლი“, რომლესაც ბიოლოგიური მეთოდებით მოჰყავს ჟოლო და ექსპორტზე გააქვს აშშ-ში; შპს „სონეტი“, რომელიც საქართველოში გახლავთ გერმანული ბრენდის „Sonett”-ის ოფიციალური წარმომადგენელი საქართველოში (ეს არის მსოფლიოში ერთ-ერთი პიონერი კომპანია ბიო, ვეგანური სარეცხი საშუალებების წარმოებაში) და სხვ. ასევე, მრგვალ მაგიდაში მონაწილეობდნენ მეცნიერები, სხვადასხვა სფეროდან, სტუდენტები, საჯარო და კერძო სკოლების დირექტორები, პედაგოგები, მოსწავლეები; არასამთავრობო ორგანიზაციების წარმომადგენლები; სამთავრობო უწყების წარმომადგენლები (ენერგოეფექტუროობის მიმართულებით); ქართული და უცხოური უნივერსიტეტების მწვანე მიმართულებით მომუშავე პროფესორ-მასწავლებლები.