სასკოლო აქტივობის ხელშეწყობის პროგრამები – 2019

‘’მწვანე ბიზნესის ასოციაციის’’ სტრატეგიაა შეასრულოს მედიატორის როლი ეკომწარმოებლებსა და მათ მომხმარებლებს შორის, დაამყაროს მჭიდრო და ეფექტიანი კავშირები ბიზნესსა და ბაზარს შორის. აღნიშნული სტრატეგიის მისაღწევად ორგანიზაციამ ინოვაციური და შედეგზე ორიენტირებული მიდგომა შეარჩია: მუშაობს მოზარდებთან, რათა ბავშვმა მიწოდებული სიახლე მიიტანოს მშობელთან და გაცილებით სწრაფად მოხდეს ეკოლოგიურად უსაფრთხო პროდუქტის პოპულარიზაცია. ასევე, ორგანიზაცია მუშაობს ახალგაზრდებთან, სტუდენტებთან, რათა მათ, თავიანთ კვლევებში შეარჩიონ სწორედ მწვანე მიმართულების თემები საბაკალავრო, სამაგისტრო თუ სადოქტორო, საკონფერენციო თუ სხვა სახის ნაშრომებზე მუშაობის პროცესში.

01.03.2019 – ასოციაციის წევრის თინათინ როდონაიას უშუალო ჩართულობით შეიქმნა ტრენინგების სერია სკოლებისთვის მწვანე ბიზნესი და ონლაინ პლატფორმა „მწვანე ბიზნესი“, სადაც გაწევრიანდა უამრავი პედაგოგი სხვადასხვა სკოლიდან; მხარდამჭერი არასმთავრობო ორგანიზაცია „მწვანე ბიზნესის ასოციაცია“.

01.04.2019 სასკოლო აქტივობის ხელშეწყობის პროგრა (“გავამწვანოთ ბიზნესი” ) სასკოლო პროექტი – „მწვანე ბიზნესი“, რომელიც განხორციელდა საქართველოს მასშტაბით რამდენიმე საჯარო სკოლაში, კერძოდ: თბილისის, რუსთავის, ხონის, ლაგოდეხის, ზუგდიდის, ჟინვალის, ჭიათურის, საჩხერის, ქედას, ხულოს, ხაშურის და სხვ. ქალაქსა თუ სოფლებში. აღნიშნულ სკოლებში ჩამოყალიბდა „მწვანე ბიზნესის“ კლუბები, რომლებიც მუშაობენ დღემდე სხვადასხვა მწვანე იდეასა და პრაქტიკულ საკითხებზე, როგორც დამოუკიდებლად, ისე უმაღლეს სასწავლებლებთან და ბიზნეს სექტორთან კოლაბორაციაში. დამფინანსებელი: საქართველოს განათლების, მეცნიერებისა და ახალგაზრდობის სამინისტრო.

2019.7.06. ასოციაციის ორგანიზებით ბოლნისის სკოლის მოსწავლეებისთვის განხორციელდა შემეცნებითი ტური ასურეთის ხორბლის კოლექციისა და თამარისის ბიომეურნეობის დათვალიერების მიზნით. მოსწავლეებს ჩაუტარდათ ტრენინგი და მასტერკლასები მწვანე ტექნოლოგიების მიმართულებით.

2019 წლის 21-22 ივნისს ივ.ჯავახიშვილის სახელობით თბილისის სახელმწიფო უნივერსიტეტის პაატა გუგუშვილის სახელობის ეკონომიკის ინსტიტუტში სტუდენტებისთვის ჩატარდა საერთაშორისო სამეცნიერო კონფერენცია “მწვანე ეკონომიკის” ფორმირების თანამედროვე პრობლემები. კონფერენციაში მონაწილეობა მიიღო თბილისის ღია უნივერსიტეტის პროფესორმა, რუსუდან კვარაცხელიამ.2019.15.06. ასოციაციის ორგანიზებით ლაგოდეხისა და ჟინვალის სკოლების მოსწავლეებისთვის ჩატარდა შემეცნებითი ტური კომპანია „ბიოაგროს“ საწარმოში და ბურიანის ბიომეურნეობაში.

2019.20.06. ასოციაციის ორგანიზებით თბილისისა და საჩხერის მოსწავლეებისთვის ჩატარდა შემეცნებითი ტური მუხრანში. მოსწავლეებს ჩაუტარდათ ტრენინგი, მათ დაათვალიერეს მუხრანში ბიოლოგიური მეთოდებით ორგანიზებული ქათმების ფერმა, შატო მუხრანის ბიო ვენახები და სტრამანტას ეზოს ბიომეურნეობა. მოსწავლეებს ცაუტარდათ მასტერკლასები კომპოსტირებაში, თესვასა და ფრეშ კოქტეილების მომზადებაში.

2019 „ბიოდიზელი ჯორჯიასა“ და ,,მწვანე ბიზნესის ასოციაციის” ერთობლივი სემინარი თემაზე: ,,რეგიონული სკოლების ჩართულობა მწვანე ეკონომიკაში”. მხარდამჭერი: ბიოდიზელ ჯორჯია

07.07.2019 – გორის მე-2 სკოლაში მწვანე ბიზნესის ასოციაციის ორგანიზებით ჩატარდა ღონისძიება, რომელშიც მონაწილეობდნენ ნატურალური და ხელნაკეთი, ასევე ეკოლოგიურად უსაფრთხო და ბიოლოგიურად სუფთა პროდუქტების მწარმოებლები; თსუ უწყვეტი განათლების ცენტრი – TSU Center for Lifelong Learning -ის წარმომადგენელი; ექიმი ჰომეოპათი; ქართული ხორბლის კოლექციონერი; ბიოფერმერები. ღონისძიებაზე სკოლის მოსწავლეები და პედაგოგები გაეცნენ სხვადასხვა პრეზენტაციას, მათ შორის: ნატურალური საპნის წარმოება; ქართული ხორბლის ისტორია და მნიშვნელობა“; „ბიოლოგიურად სუფთა, მცენარეული სარეცხი საშუალებები; ბიოპროდუქტები გარემოს დასაცავად და ადამიანის ჯანმრთელობისთვის; ჰომეოპათია, როგორც ქიმიური წამლებით მკურნალობის ალტერნატივა.

2019.30.06. – “მერების შეთანხმება კლიმატისა და ენერგეტიკისათვის’’ ფარგლებში ბოლნისში გაიმართა ენერგოეფექტურობასთან დაკავშირებული ღონისძიება. ღონისძიებაზე აქტიური მონაწილეობა მიიღო “მწვანე ბიზნესის კლუბმა”, რომელიც ბოლნისის იოანე ბოლნელის სახელობის სკოლაში ჩამოყალიბდა “მწვანე ბიზნესის ასოციაცია” ინიციატივით, ინოვაციური განათლების ხელშეწყობის მიზნით. კლუბის წევრებმა წარმოადგინეს ბიოგაზისა და კომპოსტის მომზადების პროცესის მოდელები, ასევე ღონისძიების სტუმრებს შესთავაზეს მიკრომწვანილები და ჯეჯილის “მწვანე კოქტეილი” მათ პრეზენტაციას ესწრებოდნენ ბოლნისის გამგებელი, სვადასხვა ტელევიზიის, საჯარო თუ კერძო სუბიექტების წარმომადგენლები. პრეზენტაციამ წარმატებით ჩაიარა, დეგუსტაციამ კი, კიდევ ერთხელ ბოლნისში, დიდი აღტაცება გამოიწვია საზოგადოებაში.

29.09.2019 „მწვანე ბიზნესის ასოციაცია“ ორგანიზებით ჩატარდა შეხვედრა „გავამწვანოთ ბიზნესი“ (რუსუდან კვარაცხელია, მაია ბუჩაშვილი, თინათინ როდონაია). შეხვედრის მასპინძელი გახლდათ “სოფლად თემთა განვითარების სააგენტო”. შეხვედრას ესწრებოდნენ სკოლების პედაგოგები და დირექტორები ქედადან, საჩხერედან, ხულოდან, ლაგოდეხიდან, გორიდან, ბოლნისიდან, ჟინვალიდან, ხაშურიდან, ჭიათურიდან; ასევე ეკოლოგიურად უსაფრთხო პროდუქტის მწარმოებლები, სხვადასხვა “მწვანე” ბიზნესის წარმომადგენლები, მეცნიერები, მკვლევარები, ჟურნალისტები, განათლების სამინისტროსა და მასწავლებლის სახლის წარმომადგენლები. დამფინანსებელი : ბიოაგრო – მცენარეთა ბიოლოგიური დაცვის ცენტრი“.

02.11.2019 – “მწვანე ბიზნესის ასოციაციის” ორგანიზებით, მცხეთის რაიონში, სოფ. მუხრანში Stramanta yard (სტრამანტას ეზო) მასპინძლობდა ლაგოდეხის (ვარდისუბნის და ცოდნისკარის), საჩხერის, ჭიათურის, ხაშურისა და თბილისის სკოლების Green business კლუბის წევრებს. შეხვედრაზე კლუბის წევრებმა (მოსწავლეებმა და პედაგოგებმა) მოისმინეს ლექცია თემაზე “ბიომეურნეობის პრინციპები”, რომელსაც უძღვებოდა ბიოლოგი, ბიოფერმერი ანზორ მაისურაძე; ბიოლოგი, ეკონომიკის დოქტორი – რუსუდან კვარაცხელია; ლანდშაფტის დიზაინერი -ელისო ხარჩილავა; “მწვანე ბიზნესის ასოციაციის” დამფუძნებელი – მაია ბუჩაშვილი, ბიოფერმერი – ვალერი ჭიტაძე. დამფინანსებელი: შპს „ბიოაგრო“ – მცენარეთა ბიოლოგიური დაცვის ცენტრი და სოფლად თემთა განვითარების სააგენტო Rural Communities Development Agency – RCDA (ბიუჯეტი 1000 ლარი)